ସମସ୍ତ ଭାଷା ଉପରେ ଦେଖୁଛନ୍ତି? ଜଗତର ନାଗରିକ ମିଡିଆ ସମସ୍ତଙ୍କ ନିମନ୍ତେ ଉପଲବ୍ଧ କରାଇବା ପାଇଁ ଆମେ ଗ୍ଲୋବାଲ ଭଏସେସ କାହାଣୀମାନ ଅନୁବାଦ କରିଥାଉ ।

ଲେଖାସମୂହ (କେବେ ଠାରୁ) ରାଉଣ୍ଡଅପ

ନୂଆ ପ୍ରଯୁକ୍ତି ଓ ଆବିଷ୍କାର ଉପରେ ମୁମ୍ବାଇର ବିଦ୍ୟାଳୟରେ ପଢୁଥିବା ପିଲାମାନଙ୍କର ମତ

ଭିଡ଼ିଓର କିଛି ଚିତ୍ରର ଅଂଶ (ଦେଖିବା ପାଇଁ ଫଟୋରେ କ୍ଲିକ କରନ୍ତୁ)

ଭିଡ଼ିଓର କିଛି ଚିତ୍ରର ଅଂଶ (ଦେଖିବା ପାଇଁ ଫଟୋରେ କ୍ଲିକ କରନ୍ତୁ)

ଲେଖକ @sutarcv  ଆତ୍ମା ସହିତ ସମ୍ପର୍କ ସମନ୍ଵୟକାରୀ ଭାବେ କାମ କରନ୍ତି

ଆତ୍ମା ଭାରତର ନିମ୍ନତମ ସୁବିଧାରୁ ବଞ୍ଚିତ ପିଲାମାନଙ୍କୁ ସାହାଯ୍ୟ କରୁଥିବା ପ୍ରକଳ୍ପମାନଙ୍କୁ ସହଯୋଗ କରିବା ଲକ୍ଷ୍ୟରେ ସ୍ଥାପିତ ଏକ ଅଣଲାଭକାରୀ ଶିକ୍ଷା ସଂସ୍ଥା ।  ନିକଟରେ ଆତ୍ମା ଦ୍ୱ୍ୱାରା ପ୍ରକାଶିତ ଏକ ଭିଡ଼ିଓରେ ଏକ ସ୍ଥାନୀୟ ମହାନଗର ନିଗମ ବିଦ୍ୟାଳୟର ପିଲାମାନେ ଉଦ୍ଭାବନ, ପ୍ରଯୁକ୍ତି, ପରିବେଶ ଓ ଅର୍ଥ ଉପରେ ନିଜର ମତାମତ ଦେଇଛନ୍ତି ।

ଏହି ଭିଡ଼ିଓ ସ୍ଥାନୀୟ ମହାନଗର ବିଦ୍ୟାଳୟରେ ପଢୁଥିବା, ଖରାପ ପରିବେଶରେ ବଢ଼ୁଥିବା ଓ ସ୍ଥଳବିଶେଷରେ ନିଜର ମଦ୍ୟପ ଅଭିଭାବକମାନଙ୍କର ସମ୍ମୁଖୀନ ହେଉଥିବା ପିଲାମାନଙ୍କ ମସ୍ତିଷ୍କକୁ ପରଖିବାର ଏକ ସୂକ୍ଷ୍ମଦୃଷ୍ଟି ଦେଇଥାଏ ।

ଝିଅଟିଏ ଏମିତି ଏକ ପ୍ରଯୁକ୍ତି ଉଦ୍ଭାବନ କରିବାକୁ ଚାହେଁ ଯାହାଫଳରେ ମଣିଷ ନିଜ ଇଚ୍ଛା ଅନୁସାରେ ଉଡ଼ିପାରିବ। ଆଉଜଣେ ଏମିତି ଏକ ଟଙ୍କାମୁଣି (ଉଆଲେଟ) ଉଦ୍ଭାବନ କରିବାକୁ ଚାହୁଁଛି ଯେଉଁଥିରୁ ପଇସା କେବେ ସରିବ ନାହିଁ । ପ୍ରଯୁକ୍ତି କଥା ପଡ଼ିଲେ ଏହି ମହାନଗର ନିଗମ ବିଦ୍ୟାଳୟର ପିଲାମାନେ ଭାରୀ ଉତ୍ସାହୀ । ସେମାନେ ମେସେଜିଙ୍ଗ ସେବା ହ୍ଵାଟ୍ସଆପ, ଇମେଲ ଓ ଗୁଗଲ ବିଷୟରେ ଜାଣିଛନ୍ତି, କିନ୍ତୁ ସେମାନଙ୍କ କଥାବାର୍ତ୍ତାରୁ ଯାହା ଜଣାଗଲା ଇଣ୍ଟରନେନେଟ ବ୍ୟବହାର ସେମାନଙ୍କପାଇଁ ସୀମିତ ।

ଆତ୍ମା ଫେସବୁକ ପୋଷ୍ଟରେ ଇନିଶ ମର୍ଚ୍ଚାଣ୍ଟ ଭିଡ଼ିଓ ଉପରେ ମନ୍ତବ୍ୟ ଦେଇ କହିଛନ୍ତି:

ମୁଁ ଚାହେଁ, ସରକାରୀ ବିଦ୍ୟାଳୟଗୁଡିକ ସେମାନଙ୍କର ପାଠ୍ୟକ୍ରମର ଅଂଶ ଭାବେ ଆଇଟି ଶିଖାନ୍ତୁ ।

ଏକ କାଳ୍ପନିକ ପ୍ରଶ୍ନର ସବୁଠୁ ଚଟୁଳ ଉତ୍ତର — ସେମାନଙ୍କୁ ଅନେକ ପଇସା ମିଳିଲେ ସେମାନେ କଣ କରିବେ? କେଇ ଜଣ କହିଲେ ଏହାକୁ ନିଜ ଅଭିଭାବକଙ୍କ ପାଇଁ ସଞ୍ଚିବେ ଆଉ ବାକି କିଛି କହିଲେ ଏହାକୁ ଭିନ୍ନକ୍ଷମମାନଙ୍କ ସାହାଯ୍ୟ ନିମନ୍ତେ ଦାନ କରିବେ । ସେମାନଙ୍କ ଭିତରେ ଆହୁରି କିଛି ମଧ୍ୟ କହିଲେ ଯେ ସେମାନେ ନିଜ ପାଇଁ ପ୍ରଥମେ କିଛି ତିଆରି କରିବେ, ତାପରେ ଅନ୍ୟପାଇଁ କିଛି ତିଆରି କରିବେ ।

ମେକ ଏ ଡିଫରେନ୍ସ ଅନାଥ ଓ ଅସହାୟ ପିଲାଙ୍କୁ ସାହାଯ୍ୟ କରୁଥିବା ଏକ ଅଣଲାଭକାରୀ ସଂସ୍ଥା । ଏହାର ଜଣେ କମ୍ୟୁନିକେସନ ବିଶେଷଜ୍ଞ ପ୍ରତୀକ ଇଉ. କେଶରୀ ଲେଖିଲେ,

ଏହା ବହୁତ ସୁନ୍ଦର! ଯଦି କେବଳ ବୟସ୍କମାନେ ଏହି ପିଲାର ଆଖି ମାଧ୍ୟମରେ ବିଚାରଗୁଡ଼ିକର ସମ୍ଭାବନାକୁ ଦେଖିପାରନ୍ତେ ।

ପେସମରଗା ଯୋଦ୍ଧା ନାରୀ ନିଜ ପିଲାକୁ ସ୍ତନ୍ୟପାନ କରାଉଥିବାର ଫଟୋର ବ୍ୟାପକ ଖ୍ୟାତିରେ କୁରଦିସ ମିଡ଼ିଆ ବନ୍ଦୀ

Shared widely online. Photograph by Veronique de Viguerie, September 6, 2014. Veroniquedeviguerie.com.

କୁରଦିସ ମିଡ଼ିଆ ଅନୁଷ୍ଠାନଗଣ ଜଣେ ପେସମେରଗା ମହିଳାଙ୍କ ଫଟୋ ବାବଦୀୟ ଆଲୋଚନାରେ ବାବଦୂକ ସାଜିଛନ୍ତି । ମହିଳାଜଣକ ଏକ ସ୍ୱଂୟଚାଳିତ ବନ୍ଧୁକ ପାଖରେ ଥୋଇ ନିଜ ପିଲାଟିକୁ କ୍ଷୀର ପିଆଉଛନ୍ତି । ଫଟୋଟି ସୋସିଆଲ ନେଟୱାର୍କିଙ୍ଗ ସାଇଟମାନଙ୍କରେ ବହୁବାର ପ୍ରକାଶିତ ହୋଇ କୁରଦିସ ମହିଳାମାନଙ୍କ ଶକ୍ତି ଓ ISIS ବିରୁଦ୍ଧରେ ନାରୀ ଆନ୍ଦୋଳନକୁ ବହୁଗୁଣିତ କରିଛି ।

ବିଭିନ୍ନ ପାଶ୍ଚାତ୍ୟ ଦେଶମାନଙ୍କରେ ସ୍ତନ୍ୟପାନକୁ ନୀଚ ଦେଖାଉଥିବା (ନିକଟରେ ଇଉକେରେ) ବେଳେ କୁରଦିସ ମିଡ଼ିଆ ଏକକାଳୀନ “ଯୋଦ୍ଧା” ଓ “ପାଳକ” ଭୂମିକା ନିଭାଉଥିବା ଏହି ପେସମରଗା ମହିଳାଙ୍କ ସ୍ତନ୍ୟପାନକୁ ଭୁରି ଭୁରି ପ୍ରଶଂସା କରିଛି ।

କୁରଦିସ ଇଣ୍ଟରନେଟ ବ୍ୟବହାରୀମାନେ ମଧ୍ୟ ପରିଚୟ ଜଣା ନଥିବା ଏହି ପେସମରଗା ନାରୀଙ୍କୁ ପ୍ରଶଂସା କରିଛନ୍ତି । ଏରବିଲରୁ କେମଲ ତାହେର ମତ ଦେଇଛନ୍ତି, “କୁରଦିସ୍ଥାନର ଏହି ସିଂହୀଙ୍କ ବାବଦରେ ମୁଁ କଣ କହିବି ଜାଣେନା, ତାଙ୍କୁ ଯୁଦ୍ଧଭୂମିରେ ସଫଳତା କାମନା କରୁଛି, ଭଗବାନ ଆପଣ ସଭିଙ୍କୁ ରକ୍ଷାକରନ୍ତୁ” । ସୁଲେମାନିଆରୁ  ସକର ନିଡ଼ି କହିଛନ୍ତି, “ଆମ ପାଇଁ ଏ ଏକ ଗର୍ବ କରିବା ଭଳି ଉଦାହରଣ” ।

ଇଣ୍ଟରନେଟ ବ୍ୟବହାରୀଗଣ ଫଟୋଗ୍ରାଫର ଭେରୋନିକ ଡି ଭିଗୁଏରିଙ୍କ ଉଠା ଫଟୋ ବିନା ଶ୍ରେୟରେ ବ୍ୟାପକ ଭାବେ ବିତରଣ କରିଛନ୍ତି । ଗୁଗଲର ରିଭର୍ସ ଇମେଜ ସର୍ଚ ବ୍ୟବହାର କରି ଗ୍ଲୋବାଲ ଭଏସେସ ଫଟି ଟୋ ଡି ଭିଗୁଏରିଙ୍କ ଉଠା ଫଟୋ ବୋଲି ଜାଣିବାକୁ ପାଇଲା । (କେଭିନ ରଥରକଙ୍କ ଦେଇ ଦ୍ରଷ୍ଟବ୍ୟଟି ଯୋଡ଼ାଯାଇଛି)

ଅନିଚ୍ଛାସତ୍ଵେ ଭାରତୀୟମାନେ ଅର୍କୁଟକୁ ବିଦାୟ ଦେଲେ

ଭାରତୀୟ ବ୍ୟବହାରକାରୀମାନେ ଗୁଗଲର ସୋସିଆଲ ନେଟୱାର୍କିଙ୍ଗ ପ୍ଲାଟଫର୍ମ “ଅର୍କୁଟ”ର ଆସନ୍ନ ବିଚ୍ଛେଦ ରେ ପ୍ରତିକ୍ରିୟା ପ୍ରକାଶ କରିଛନ୍ତି । ଭାରତୀୟମାନେ ବ୍ୟବହାର କରୁଥିବା ସାମାଜିକ ଗଣମାଧ୍ୟମ ସାଇଟମାନଙ୍କ ମଧ୍ୟରୁ ଅର୍କୁଟ ହେଉଛି ସବୁଠାରୁ ପୁରୁଣା ଓ ପୃଥିବୀର ୨୦% ଅର୍କୁଟ ବ୍ୟବହାରକାରୀ ହେଉଛନ୍ତି ଭାରତୀୟ ।
ଅର୍କୁଟର ଶେଷ ସମୟ ବେଳେ ବିନୟା ନାଇଡୁ ଲାଇଟହାଉସ ଇନସାଇଟସରେ କିଛି ବ୍ୟବାହାରକାରୀ ମାନଙ୍କ ମତ ସଂକଳନ କରିଛନ୍ତି ।

ପ୍ରିୟା ମିତ୍ତଲ ନିଜର ପିଲାଦିନର ପ୍ରଥମ ସାଙ୍ଗଙ୍କୁ ଅର୍କୁଟ ମାଧ୍ୟମରେ ପାଇଥିଲେ, ଯାହା ସେତେବେଳେ ତାଙ୍କୁ “ଚମତ୍କାର ହେଲାଭଳି ଲାଗିଥିଲା”

ଉତ୍ସାହୀ ବାଇକର ବିଶାଳ କଟାରିଆ: “ମତେ କିଛି ସମୟ ଲାଗିଥିଲା ଅର୍କୁଟକୁ ଛାଡ଼ି ଫେସବୁକକୁ ଯିବାପାଇଁ କାରଣ ମୁଁ ଏଥିରେ ଖୁବ ଅଧିକ ଯୋଡ଼ିଯାଇଥିଲି, ସେ ଭାବନା ଫେସବୁକପାଇଁ କେବେ ଆସିନାହିଁ।”

ବିଦାୟ ହିନ୍ଦୁସ୍ତାନ ଆମ୍ବାସାଡ଼ର

A yellow Hindustan  ambassador taxi at Kolkata Road. Image by D Chakraborty. Copyright Demotix (27/5/2014)

କଲିକତାର ରାସ୍ତାରେ ଏକ ହଳଦିଆ ହିନ୍ଦୁସ୍ତାନ ଆମ୍ବାସାଡ଼ର. ଫଟୋ ଉଠେଇଛନ୍ତି ଡି. ଚକ୍ରବର୍ତ୍ତୀ। ସ୍ଵତ୍ଵ – ଡେମୋଟିକ୍ସ (୨୭/୫/୨୦୧୪)

ନିକଟ ଅତୀତରେ ହିନ୍ଦୁସ୍ତାନ ମୋଟର୍ସ ୧୯୫୮ରେ ଆରମ୍ଭ ହୋଇଥିବା ଭାରତର ପ୍ରତିଷ୍ଠିତ ହିନ୍ଦୁସ୍ତାନ ଆମ୍ବାସାଡ଼ର ଗାଡ଼ିର ଉତ୍ପାଦନକୁ ସ୍ଥଗିତ ରଖିବାର ନିଷ୍ପତ୍ତି ନେଇଛି । ସୌମ୍ୟଦୀପ ଚୌଧୁରୀ “କଟିଙ୍ଗ ଦ ଚାଏ” ରେ ଏକ ଅଣଉପଚାରିକ (ଓ ଆନିମେଟେଡ) ଗୁଗଲ ଡୁଡଲ ତିଆରି କରି ଏହି ଉତ୍କୃଷ୍ଟ କାରଟିକୁ ସମ୍ମାନିତ କରିଛନ୍ତି। ଏହି କାର ଏବେ ମଧ୍ୟ ଅନେକ ଟାକ୍ସି ଚାଳକ, କିଛି ରାଜନେତା ଓ ପର୍ଯ୍ୟଟକମାନଙ୍କ ମଧ୍ୟରେ ପ୍ରିୟ ହେଇ ରହିଛି।

ଆଦିବାସୀ ଟୁଇଟ ଅଷ୍ଟ୍ରେଲିଆରେ ଆନ୍ତର୍ଜାତିକ ମାତୃଭାଷା ଦିବସ ବାବଦେ ଆଲୋକପାତ କରିଛନ୍ତି

ଉଆମୁଟ (ଟୁଇଟରରେ @kriolkantri ନାମରେ ଜଣା, ଏବଂ ଦଶ ବର୍ଷ ପୁରୁଣା ଜଣେ ବ୍ଲଗର, ଦେଶଜ ଟୁଇଟମାନ Storifyରେ ସେଆର କରିଥିଲେ: “ଫେବୃଆରୀ ୨୧ ଆନ୍ତର୍ଜାତିକ ମାତୃଭାଷା ଦିବସ ଏବଂ ଏହି ବର୍ଷ ଅଷ୍ଟ୍ରେଲିଆବାସୀ ଏହି ମହାଦେଶର ଅନେକ ଆଦିବାସୀ ଓ ଦ୍ୱୀପପୁଞ୍ଜ-ଭାଷାସମୂହ ଖୁବ ସୁନ୍ଦର ଭାବେ ପରିବେଷଣ କରିବା ସହ ସମୁଜ୍ଜଳ ହୋଇ ସୁଦ୍ଧା ଭଙ୍ଗୁର ଭାଷାଗତ ବିଭିନ୍ନତା ବାବଦେ ଜଣାଇଥିଲେ ।”

ମାତୃଭାଷା ଦିବସର ଶୁଭେଚ୍ଛା! ଆମେ ନିଜ ଭାଷା ଦିନ ଯାକ ଟୁଇଟ କରୁଛୁ ଆଉ ସଗର୍ବେ ଏହି ଆନ୍ଦୋଳନରେ ଭାଗ ନେଇଛୁ:
— ଅଙ୍ଗୁକର ଲାଙ୍ଗୁଏଜ ସେଣ୍ଟର, ଫେବୃଆରୀ ୨୦, ୨୦୧୫

ଅଧିକ ଜାଣିବା ନିମନ୍ତେ ନିଜ ଭାଷାରେ #Motherlanguage ସହିତ ଟୁଇଟ କରି ଭାଷାଗତ ବିଭିନ୍ନତା ପାଳନ କରନ୍ତୁ ।

ନୂଆ iOSରେ ଆପଲ ୫ଟି ଭାରତୀୟ ଭାଷା ଇନପୁଟ ପଦ୍ଧତି ଆରମ୍ଭ କଲା

A comparison of some Indic scripts vs. Latin. Image via wikipedia . CC BY-SA 3.0

କିଛି ଭାରତୀୟ ଲିପି ଓ ତାର ଲାଟିନ ଉଚ୍ଚାରଣର ତୁଳନାତ୍ମକ ଚିତ୍ର । ଉଇକିପିଡିଆ ଦ୍ଵାରା CC BY-SA 3.0 ସ୍ଵତ୍ଵରେ ପ୍ରକାଶିତ।

୨୦୧୪ ସେପ୍ଟେମ୍ବରରେ, ଆପଲ ନିଜର ଆଇପ୍ୟାଡ ଟଚ, ଆଇପ୍ୟାଡ ଓ ଆଇଫୋନ ପାଇଁ ତା'ର ଅପରେଟିଙ୍ଗ ସିଷ୍ଟମର ନୂଆ ସଂସ୍କରଣ iOS 8 ଆରମ୍ଭ କରିଥିଲା । ବ୍ୟବହାରରେ ସୁବିଧା ସକାଶେ ଯୋଡ଼ା ଯାଇଥିବା କିଛି ପ୍ରମୁଖ ସୁବିଧାକୁ ଛାଡିଦେଲେ, iOS 8 ଅଣ-ଲାଟିନ ଲିପି ବ୍ୟବହାର କରୁଥିବା ଭାଷାମାନଙ୍କପାଇଁ ଏକ ମୁଖ୍ୟ ସୁବିଧା ଆଣିଦେଇଛି, ତାହା ହେଲା ନେଟିଭ ଇନପୁଟ ବା ନିଜ ଭାଷାରେ ଟାଇପ କରି ଲେଖିବା । ଏହାର ଅନୁପସ୍ଥିତି ବହୁ ସମୟ ହେଲା ବାରି ହୋଇପଡୁଥିଲା ଆଉ ଏହା ଭାଷାମାନଙ୍କ ପାଇଁ ଏହା ଖୁବ ଲାଭଦାୟକ ହେବ – ଅନେକ ଲୋକ ଏବେ ନିଜ ଭାଷାରେ ସହଜରେ ଟାଇପ କରିପାରିବେ । ମାଇକ୍ରୋବ୍ଲଗିଙ୍ଗ ସାଇଟ ହେଉ କିବା ସାମାଜିକ ଗଣମାଧ୍ୟମ, ଇମେଲ କିମ୍ବା ଉଇକିପିଡିଆ ଭଳିଆ କୌଣସି ମଞ୍ଚ ହେଉ, ପ୍ରଥମ iOS ଆରମ୍ଭହେବା ପରଠାରୁ ନେଟିଭ ଇନପୁଟରେ ଟାଇପ କରିବାପାଇଁ ବହୁ କାଳ ହେଲା ଲୋକଙ୍କୁ ଅପେକ୍ଷା କରିବାକୁ ପଡ଼ିଲା । ଭାରତୀୟ ଉପମହାଦେଶରେ ଆପଲର ଉତ୍ପାଦ ଆରମ୍ଭ ହେବା ପରଠାରୁ ପ୍ରଥମଥର ପାଇଁ iOS 8ରେ ୫ଟି ଭାରତୀୟ ଲିପିର ସୁବିଧା ରହିଛି: ହିନ୍ଦୀ, ବଙ୍ଗଳା, ମରାଠୀ, ତାମିଲ ଓ ଉର୍ଦ୍ଦୁ । ଭାଷାର ଇନପୁଟ ଛଡ଼ା, iOS ନିଜର ବ୍ୟବାହାରକାରୀ ମାନଙ୍କୁ ଇଣ୍ଟରଫେସ ଭାଷାକୁ ସଂପୂର୍ଣ୍ଣ ରୂପେ ବା ଆଂଶିକ ଭାବେ ନିଜ ସ୍ଥାନୀୟ ଭାଷାରେ ବଦଳାଇବା ଅନୁମତି ଦେଇଥାଏ ଯାହାଫଳରେ ଏସୀୟ ବ୍ୟବାହାରକାରୀ ମାନଙ୍କ ମଧ୍ୟରେ ଏହା ବହୁଳ ଭାବେ ବ୍ୟବହାର ହେଇପାରିବ।

ଫେସବୁକ ବ୍ୟବାହାରକାରୀ ଜୟନ୍ତ ନାଥ ଏହି ଅପଡେଟ ଜାଣି ଅତି ଉତ୍ସାହିତ ଭାବେ କହନ୍ତି:

After update iOS 8 ,its added bengali default keyboards

iOS 8ର ଅଦ୍ୟତନ ପରେ, ଏହାର ଡିଫଲ୍ଟ କିବୋର୍ଡ଼ରେ ବଙ୍ଗଳା ଭାଷା ଯୋଡ଼ାଯାଇଛି।

ଶ୍ରୀନଗର-ଲେହ ରାଜପଥ: ଏକ ଦୁଃସାହସିକ ସଡ଼କ ଯାତ୍ରା

କାଶ୍ମୀର ଉପତ୍ୟକାରେ ଥିବା ୪୩୪ କିଲୋମିଟର ଦୀର୍ଘ ଶ୍ରୀନଗର-ଲେହ ଜାତୀୟ ରାଜପଥ ଦର୍ଶନୀୟ ଓ କିଛି ମାତ୍ରାରେ ଏକ ବିପଦସଙ୍କୁଳ ରାଜପଥ । ଏହି ରାସ୍ତା ଜୁନରୁ ନଭେମ୍ବର ଯାଏଁ ଯିବାଆସିବା ପାଇଁ ଖୋଲା ରହିଥାଏ । ଏହି ସଡ଼କରେ ସ୍ଥାନେ ସ୍ଥାନେ କାଦୁଅ, ଗୋଡ଼ି ଓ ଠାଏ ଠାଏ ରାସ୍ତା ନଥିଲା ଭଳି ଥାଏ । ଏକ ପାଖିଆ ଯିବା ସମ୍ବବ ଥିବା ୩,୫୨୮ ମିଟର ଉର୍ଦ୍ଧ୍ୱର ଜୋଜି ଲା ଗିରିପଥ ମଧ୍ୟ ଏକ ପ୍ରକାର ବିପଦସଙ୍କୁଳ ଯେଉଁଥିରୁ ୧୦୦୦ ମିଟର ତଳକୁ ପଡ଼ିବାର ବିପଦ ରହିଛି। ଭ୍ରମଣ ବ୍ଲଗ “ମାଇନର ସାଇଟସ” ଉପରେ ଥିବା ଭିଡ଼ିଓ ଭଳି ଅନେକ ସଡ଼କ ଯାତ୍ରାର ବିସ୍ତୃତ ବିବରଣୀ ଦେଇଆସୁଛି ।