ଲୋକଙ୍କୁ ନେଇ ଏଲ ସାଲଭାଡୋରର ପିସବି ଓ ପୋଟୋନ ଭାଷାକୁ ବଞ୍ଚାଇବା
ସିସିଏନଆଇଏସର ଚିତ୍ର, ଅନୁମତି ସହ ପ୍ରକାଶିତ ।
ଦେଶୀୟ ଭାଷାରେ ଡିଜିଟାଲ ଆକ୍ଟିଭିଜମ ପାଇଁ ଯୁଦ୍ର ଅନୁଦାନ କାର୍ଯ୍ୟକ୍ରମ ଅନ୍ତର୍ଗତ ବଛାଯାଇଥିବା ଆମ ଯୋଜନା ବାବଦରେ ଏହା ପଞ୍ଚମ ଅନୁଚ୍ଛେଦ । ଏହି ଯୋଜନାର ଅନୁଦେୟୀମାନେ ପ୍ରକଳ୍ପର ଅଗ୍ରଗତି ବାବଦରେ ନିୟମିତ ପ୍ରସଙ୍ଗ ଲେଖିଥାନ୍ତି ।
ନାଉଆ-ପିପିଲ ଲୋକଙ୍କ ଅବିରତ ଚେଷ୍ଟା ଯୋଗୁଁ ଏବେ ଏଲ ସାଲଭାଡୋରର ପଶ୍ଚିମାଞ୍ଚଳରେ ନାଉଆ ଭାଷାଟି ଅନେକ ଲୋକଙ୍କ ଦ୍ୱାରା ବ୍ୟବହୃତ ହୋଇ ଦୃଢ଼ତମ ହୋଇପାରିଛି । ହେଲେ ଲେଙ୍କା ଓ କାକାୱିରା ଜନଜାତିଙ୍କ ଦେଶୀୟ ଭାଷାର ସ୍ଥିତି ସେତେ ଭଲ ନାହିଁ ।
ପିସବି ଓ ପୋଟୋନ ଭାଷାକୁ ଦୃଢ଼ତମ କରିବା ପାଇଁ ସାଲଭାଡୋରାନ ନ୍ୟାସନାଲ କୋଅର୍ଡ଼ିନେଟିଙ୍ଗ ଇଣ୍ଡିଜିନସ କାଉନ୍ସିଲ (ସିସିଏନଆଇଏସ) ଦ୍ୱାରା ପ୍ରାରମ୍ଭିତ ଏହି ପ୍ରକଳ୍ପଟି ଦେଶୀୟ ଭାଷାଗୁଡ଼ିକ ଉପରେ ଆଧାରିତ । ସାଂସ୍କୃତିକ ଦିଗ ପ୍ରତି ଧ୍ୟାନ ଦେବା ସଙ୍ଗେ ସଙ୍ଗେ ଲୋକଙ୍କ ସହ ସମ୍ପର୍କ ସ୍ଥାପନ କରିବା ଏହାର ମୁଖ୍ୟ ଲକ୍ଷ୍ୟ ।
ଏଣୁ ସଂଗଠନାତ୍ମକ ଦିଗରେ କଠିନ ପରିସ୍ଥିତି ଉପୁଜିବା ସ୍ୱାଭାବିକ । ଏହି ଦୁଇଗୋଟି ଜନଜାତିରେ ସଙ୍ଘର ବୟସ୍କମାନେ ନୂଆ ପିଢ଼ିଙ୍କୁ ନିଜ ଭାଷା ଓ ପାରମ୍ପରିକ ଜ୍ଞାନ ଦେବା ପାଇଁ ଦରକାରୀ ନୀତିନିୟମ ଯୋଡ଼ିବା ଆବଶ୍ୟକ । ଏଥି ସଙ୍ଗେ ଶିକ୍ଷଣ ପୁସ୍ତିକା ଛାପିବା, ସେଗୁଡ଼ିକ ସଭିଙ୍କୁ ବାଣ୍ଟିବା ଓ ସାଂସ୍କୃତିକ ବିକାଶ ପାଇଁ ଉପଯୁକ୍ତ କାର୍ଯ୍ୟପ୍ରଣାଳୀଟିଏ ଗଢ଼ିବା - ଏହି ସମସ୍ତ ଦିଗକୁ ଦୃଷ୍ଟିରେ ରଖିବା ମଧ୍ୟ ଜରୁରୀ ।
ସିସିନଆଇଏସର ଚିତ୍ର, ଅନୁମତି ସହ ପ୍ରକାଶିତ ।
ସିସିନଆଇଏସ ରାଇଜିଙ୍ଗ ଭଏସେସର ସାହାଯ୍ୟକୁ ଧନ୍ୟବାଦ ଜଣାଏ । ସମାଜ ଭିତରେ ପ୍ରକଳ୍ପଗୁଡ଼ିକୁ ଆରମ୍ଭ କରିବାରେ ରାଇଜିଙ୍ଗ ଭଏସେସ ଅତ୍ୟନ୍ତ ସହାୟକ ହୋଇଛି । ଏହାର ଅନୁକରଣରେ ଦେଶୀୟ ଜନଜାତିଙ୍କ ଅଞ୍ଚଳଗୁଡ଼ିକରେ କାମ କରାଯିବ । ନାଉଆଟ-ପିପିଲ ଲୋକଙ୍କ ପାଇଁ ମଧ୍ୟ ସେହି ପ୍ରକ୍ରିୟା ଅବଲମ୍ବନ କରାଯିବ ।
ସିସିନଆଇଏସର ଚିତ୍ର, ଅନୁମତି ସହ ପ୍ରକାଶିତ ।
ନାଗରିକ ମିଡିଆ ପହଞ୍ଚିବାର ସୁବିଧା ନଥିବା ସେହି ସ୍ଥାନମାନଙ୍କରେ ଏହାକୁ ବିତରଣ କରିବାରେ ସହଯୋଗ କରୁଥିବା ଗ୍ଲୋବାଲ ଭଏସେସର ରାଇଜିଙ୍ଗ ଭଏସେସ ପ୍ରକଳ୍ପରୁ ଏହା ଏକ ଲେଖା । · ସମସ୍ତ ଲେଖା
